Kurs i treskjæring

Er du interessert i treskjæring er dette kurset for deg! Kurset går i Treskjerarverkstaden i Hornindal.

Det er ope for å ta kontakt og kome med ynskjer om kurs.

Kurs i treskjæring

Er du interessert i treskjæring er dette kurset for deg! Kurset går i Treskjerarverkstaden i Hornindal: Seljesetvegen 103

Kursbeskrivelse

Kurset høver godt om du er nybegynnar eller vidarekomen som treng faglig påfyll og inspirasjon for vidareutvikling. Kursdeltakarane får for det meste individuell undervisning etter ynskje og behov, i tillegg til fellesundervisning.

Kurset tek for seg mange av triksa for effektivt å kunne meistre teknikkane. Forståing av logikk, linjeføring og spenst i djupta er vesentlege delar av undervisninga.

På kursa vert det lagt vekt på akantus, men og andre stilartar om ynskjeleg. Det er og høve til å prøve seg på biletskjering (relieff).

Det vert også vist slipeteknikk og kor viktig det er å ha rett form på slipefasen for å lettare få full kontroll ved føring av jernet.

Treskjering er eit handverk med lange tradisjonar i Hornindal og mange av kursdeltakarane kjem att år etter år.

På kursa vert det gjennomgang av

• Sliping av treskjerarjern, grovsliping, rett form, finsliping og polering
• Val av emne
• Påteikning mønster
• Nedbotning
• Gjennomskurd, saging med Hegner kontursag
• Bruk av jern- og klubbeteknikk
• Motved og medved
• Grovskjering og finskjering
• Forståing av ornamentikk, bevegelse og linjefæring
• Bakskjering
• Skjering av barokk og akantus, evt. andre stilartar
• Høve til relieff skjering med perspektivlære
• Individuell undervisning etter ynskje og behov

Kvalifikasjonar

Ingen krav til forkunnskapar. Ta med jern om du har.

Læraren

Rolf Taraldset, biletskjerar og treskjerarmeister. Rolf har halde mange kurs både i inn- og utland.

Overnatting

Knausen Hyttegrend – Hytteutleige i naturskjønne omgjevnader. Sjå: knausenhyttegrend.no

Havila Raftevolds Hotel – Hotell ved Hornindalsvatnet med restaurant og gode fasilitetar. Sjå: havilahotels.no/hornindal

Andre overnattingsalternativ er tilgjengelege via booking.com og airbnb.com. Ta gjerne kontakt dersom du treng hjelp eller råd.

Påmelding

Meld deg på treskjærarkurs i skjemaet under. Du vil bli kontakta for endelig stadfesting.